Introduction de la comptabilité analytique

Introduction de la comptabilité analytique

173 Partages

سلام عليكم ناس ديال S3 ليوم غادي نهدرو على La Comptabilité analytique

فهاد الموديل يعني ف la Comptabilité analytique غادي تتعلم تحسب، أو غادي تمكن من معرفة بشحال طاح على الشركة (un produit X)، الثمن باش كتبيعو وشحال كتربح فيه. متخافش غادي نشرحو هادشي مزيان باش تفهم(ي) و غادي نعطيو أمثلة باش يكون الفهم ساهل
تخيل معايا عندك شركة كاتصنع فيها الدراجات الهوائية ، مهم باش نصنعو هاد الدراجة الهوائية خصنا ندوزو من واحد المجموعة ديال المراحل:
I) أول حاجة كنشريو المواد الأولية (matières premières)  من عند الفورنيسور واللي تتدخل فالصناعة ديال هاد الدراجة

II) ثانيا من بعدما شرينا المواد الأولية غادي نديوها نحطوها فالستوك ديالنا فالشركة مع المواد الاولية اللي شرينا من قبل مثلا فالشهر اللي فات

III) ثالتا الدراجة كتكون من عدة أجزاء: الكادر، العجلات، الفرانات، السلسلة… ومل جزء كيتم الصناعة ديالو فورشة متخصصة
دونك كنخرجو المواد الأولية من الستوك أوكانديوها نفرقوها على الورشات (les ateliers) كل ورشة كتخرج لينا جزء من هاذ البكالا، فهاد المرحلة عندنا جميع الأجزاء لكن البيكالا غير مكتملة كتسمى منتوج غير مكتمل (produit semi-fini).

VI) رابعا كناخدو هاد المنتوج غير المكتمل أو كاندخلوه لورشة التجميع تماك كيتم التجميع ديالها باش تعطينا منتوج نهائي (produit fini).

V) خامسا من بعدما كتاملات الدراجة ديالنا كدوز لمرحلة التزيين الأخير و التغليف (Finition+l’emballage)، وفي الأخير كنحطوها فالستوك فانتظار البيع ديالها.



⬅️ الثمن باش غادي نبيعو هاد الدراجة خصنا ناخدو فيه بعين الإعتبار
+ثمن المواد الأولية (البلاستيك، الصباغة..) (matières premières)
+المصاريف ديال النقل (frais de transport)
+اليد العاملة  les ouvriers
+عدد ساعات العمل في كل ورشة
+ثمن ديال التغليف
+هامش الربح ديال الشركة…
هاد المراحل اللي داز منها هاد المنتوج كتختالف من شركة لأخرى ومن منتوج لآخر، لكن القاعدة باش كتحسب هادشي كاملو مكتغيرش كتبقى صالحة لكل منتوج.




دونك دبا فهمتي شنو غايكون المطلوب منك فهاد الموديل، وأول حاجة خصك تتعلم تحسبها هي:

“Les charges de la comptabilité analytique “
القاعدة باش كتحسبهوم ساهلة أوباينة أو هي كالتالي:
Les charges de la comptabilité analytique = les charges de la comptabilité générale () les charges non incorporables (+) les charges supplétives(+/-) différences d’incorporation des charges d’usage (+/-) différences d’incorporation des charges étalées (+/-) différences d’incorporation des charges abonnées.
ملحوظة: (+/-) كتعني زائد أو ناقص.
1)les charges de la comptabilité générale:
هادو راه باينين وخصكوم تكونو عارفينهوم حيث قريتوهوم داك العام ف S1 و S2، واللي من بينهم:
-Achats de MP
-variation de stock
-impôts et taxes
-charges de personnels
-VNA
-DEA
-Dot aux provisions…
2) les charges non incorporables:
غادي نحاول نعطيكم اللي كيتستعلو بزاف خصكوم تحفضوهوم باش ايلا لقتوهوم فشي تمرين فلبلاصة تعرفو فين تصنفوهوم، إيلا نسيت شي وحدة زيدوها نتوما:
-DEA des immobs en non valeurs
-Dotation aux PPD des clients douteux
-Charges nettes sur cession des TVP
-VNA des immobs cédées
-Pénalités et amendes fiscales ou pénales
-Autres charges non courantes
-Participation des salariés
-Achats de petit outil
-Impôts sur les bénéfices
-Prime d’assurance vie du dirigeant
3) les charges supplétives:
هما مجموعة ديال ليشارج اللي كنضيفوهوم بالرغم من أنهم مطالعينش ف C.G، والعدد ديالهوم 2 لاأكثر معندكش فين تلف:
-Rémunération du capital
-Rémunération de l’exploitant
4) les charges d’usage:
هير تسمع فالتمرين كلمة amortissement عرف بلي كتدوي على les charges d’usage، أوراه ديجا قريتو كيفاش كيتحسبو les amortissements.
5) les charges étalées:
تاهادو هير تسمع كلمة provision فالتمرين عرف بلي كندويو على les charges étalées أوتاهوما راه كتعرفو تحسبوهوم.
6) les charges abonnées:
مثال ديالهوم واللي ديما كنلقاوهوم فالتمارين
-Loyer
-Abonnement

نتمنى نكون عطيتكم فكرة على هاد الموديل، نتلقاو إنشا الله مرة اخرى باش نهضرو على موديل آخر.

بداية عام موفقة إنشاء الله

Comments
173 Partages

Laisser un commentaire